بیر جوفت سونا بو گؤللرده گشت ائیلر باشی یاشول، ایقلری…

بیر جوفت سونا بو گؤللرده گشت ائیلر

باشی یاشول، ایقلری قیرمیزی

اینجی صدف دورنام آلوب آغزونا

دیلی دیشی دوداغلاری قیرمیزی

 

منیم یاروم «ساوالان»دور «اوجان»دور

طبیب یوخوم یارا جسمیم بی جان دور

عقیق دگیل، لوولوو دگیل، مرجان دور

یار قولوندا قولباغلاری قیرمیزی

 

قورخماموشدور سولطانوننان خانوننان

عاشیق اولان گئچر مال و جانوننان

خینا آخموش بارماقلاری قانوننان

آلما کیمین یاناقلاری قیرمیزی

 

بارالها منی قورتار بو غمدن

آغلیام دا نم تؤکنمیر دیده مدن

بیر جوفت له له همراه قویوب سینه مدن

سلبیم چکیب بو داغلاری قیرمیزی

 

———————————————-

1139485125_371384